25 vjetori i eksodit shqiptar në shtypin italian të këtyre ditëve - Shqiptari i Italisë

1991 - Edhe unë isha në anije
Pikërisht këto ditë të para marsi, ndërsa Italia dhe e gjithë Evropa diskutojnë ç’të bëjnë me mijëra e mijëra refugjatë që nga Siria, Afganistani, Iraku, mbushen 25 vjet nga mbërritjet e para në masë të shqiptarëve në brigjet e Puglias. Ishte eksodi i parë i këtyre përmasave në kohë moderne – u quajt edhe biblik – qoftë për shqiptarët, qoftë për Italinë, që këto ditë e kujton jo vetëm në media lokale të Puglias por edhe ato kombëtare.

Ja disa prej tyre (Shtyp mbi foto për të lexuar shkrimet në origjinal):

"Eksodi. Kur Brindisi, 25 vjet më parë, zbuloi se kishte zemrën të artë” titullon Quotidiano di Puglia

La Repubblica: “Kur Italia ishte “Lamerika”: 25 vjet më parë zbarkimet e shqiptarëve në Brindisi”

I ngjashëm titulli i Il Tempo: “Kur shqiptarët gjetën Amerikën”

Il Fatto Quotidiano jep dëshmi të atyre që atë udhëtim e bënë vetë: “Brindisi, 25 vjet të shkuara eksodi i parë i madh. 25 mijë shqiptarë mbërritën në 24 orë. Ja historitë e tyre”

Corriere del Mezzoggiorno, duke folur për situatën e sotme, kujton ato ditë përmes fjalëve të Claudio Martellit, asokohe zëvendës kryeministër i Italisë: “Të papërgatitur, si në ’91-shin – Kujtimi i eksodit të 25 vjetëve më parë dhe valët e shqiptarëve në portet e Brindisit dhe Barit”

“Kur në Brindisi arritën anijet e e para të refugjatëve: 25 vjet më parë eksodi i parë i madh nga Shqipëria” shkruan Rai News

“Brindisi, 25 vjet më parë. Homazh një qyteti mikpritës” është titulli i NoiNotizie.it